Wednesday, July 11, 2018

PNP, hindi pumayag sa hiling ni Sotto na makapagsagawa ng pagdinig si De Lima sa loob ng custodial center


Hindi pinagbigyan ni Philippine National Police (PNP) Chief Director General Oscar Albayalde ang hiling ni Senate President Vicente Sotto III na payagan si Senadora Leila de Lima na magdaos ng mga pagdinig ng Senado sa bilangguan nito sa Custodial Center.

Sa sulat na natanggap ngayon sa opisina ni Sotto, sinabi ni Albayalde na bilanggo si De Lima kaya hindi nito maaaring gampanan ang propesyon.


Sinabi rin na ang korte na naglilitis sa mga kaso ni De Lima ang dapat ditong magdesisyon.

“It is with regret that the PNP cannot appropriately act on the matter considering Senator De Lima as a detention prisoner with restricted right to exercise profession and hold public office,” sabi ni De Lima sa sulat kay Sotto.

“Consequently, any matter pertaining to requests to exercise her legislative functions as an elected senator and conduct committee hearings for such purpose is a matter for the Court having jurisdiction over her pending case/s to decide,” dagdag nito.

Ikinatuwiran din ang Supreme Court ruling sa kaso ni dating Zamboanga del Norte Congressman Romeo Jalosjos na hindi pinayagan na makaganap ng tungkulin bilang kongresista habang nililitis noon ang kaso.

Tugon ito sa sulat ni Sotto kay Albayalde noong Hulyo 2 kung saan ipinakiusap na payagan si De Lima na magpatawag ng Senate hearing bilang chairman ng Committee on Social Justice, Welfare and Development kung saan maraming nakabinbin na panukalang batas.

Source: ABANTE

Related Articles

PNP, hindi pumayag sa hiling ni Sotto na makapagsagawa ng pagdinig si De Lima sa loob ng custodial center
4/ 5
Oleh

SUBSCRIBE

Like the article above? Please subscribe for free via email

3 comments

July 11, 2018 at 8:02 AM delete

LEILA DELIMA IS A PROTECTOR OF ILLEGAL DRUGS.

Reply
avatar
July 11, 2018 at 8:02 AM delete

LEILA DELIMA IS A PROTECTOR OF ILLEGAL DRUGS.

Reply
avatar
July 12, 2018 at 8:40 AM delete

thank you General Albayalde

Reply
avatar